Oktyabr ayı Azərbaycanın
tarixində repressiya ayı kimi anılır. 71 il öncə -
1937-ci ilin oktyabrında Azərbaycanın tanınmış
ziyalılarının məhvi ilə rəsmi şəkildə
repressiyalara başlanılıb.
Rəsmi məlumatlara görə, ümumilikdə 3 milyon 770 min
nəfər Stalin repressiyasının qurbanı olub. Onlardan
təxminən 500 mini güllələnib, digərləri isə
25 il müddətinə azadlıqdan məhrum edilib.
Qətllər 1937-ci ildə yaradılmış üçlüyün -
hərbi kollegiyanın səyyar sessiyalarının qərarları
əsasında həyata keçirilirdi. 15 dəqiqə
ərzində dövlət ittihamçısı, vəkil, hətta müqəssirin
iştirakı olmadan ölüm hökmü çıxarılırdı.
Azərbaycan 37-ci il repressiyalarından ən çox zərər çəkən
respublikalar sırasındadır. Həmin dövrdə
Azərbaycanda 20 mindən çox adam güllələnib, 200
mindən çox insan isə sürgün edilib. Repressiya illərində
təkcə Qazaxıstanda həlak olan azərbaycanlıların
sayı 150 min nəfərdir. Onlardan 28 mini məhkəmə
və istintaq olmadan güllələnib